Beinvegni

Beinvegni

Caras amitgas e cars amitgs dil cant

Il District da cant ei in’uniun districtuala dalla Surselva. Nus purschin a tuttas sursilvanas ed a tuts sursilvans la pusseivladad da cantar en in da nos 25 chors mischedai ed 7 chors virils en nossa regiun. Plinavon essan nus commember dall‘Uniun da cant cantunala.

Sut l’agenda anflas ti tut ils termins da concerts da nos chor. Ei fa plascher da veser tei ad in da quels concerts.

Has ti interess da cantar? Lu s’annunzia! Nos chors selegran adina da novas cantaduras e novs cantadurs.

Igl onn 2024 ha liug la 46avla fiasta da cant districtuala 2024 a Trun. In motiv dapli d’entrar en in chor e da separticipar :-). Ulteriuras informaziuns en connex cun la fiasta da cant sut www.trunconta.ch.

Egl onn 2017 ha il District da cant Surselva ediu ina cronica ed in disc cumpact che documentescha quei ch’ei stau e quei ch’igl ei. Sin 244 paginas, cun biaras fotografias e cun purtrets dils chors mirein nus anavos sin la historia dall’uniun, sin las fiastas da cant dapi 1868 e schein vegnir a plaid numerusas persunalitads cun lur anecdotas, reminiscenzas e reflexiuns persunalas. Aposta dil giubileum han 28 chors registrau canzuns ch’ein d’udir sin in disc cumpact „La Surselva conta“. In document unic che muenta speronza era tiu cor.

Empustaziun tier la suprastonza dil District da cant Surselva per in prezi reduciu da cudisch e disc cumpact ensemen per 25 frs.

Ella papeteria Maggi a Glion san ins era cumprar il cudisch ed il disc cumpact separadamein.

La suprastonza dil District da cant Surselva:
René Buchli, president; jeucontel@bluewin.ch, Tel. 076 519 15 72
Maria Candinas, actuara, maria.derungs@hotmail.com, Tel. 078 823 97 40
Cornelia Deplazes, cassiera, acdeplazes@bluewin.ch, Tel. 079 428 53 06

La cummissiun da musica dil District da cant Surselva:
Daniel Pally, president, pallydaniel@bluewin.ch, Tel. 079 409 77 68
Albert Spescha, commember ed actuar, albert.spescha@bluewin.ch, Tel. 079 442 05 76/081 941 24 06
René Buchli, commember